خدمة استشارة أسرية
مقدم الخدمة نجلاء نوح (نسيم الصبا)
السلام عليكم ورحمه الله وبركاته اختي الكريمه مشكلتك عامة كلنا بنعاني منها لكن نعرف الأول الأسباب علشان نقدر نوصل للحل ليه الأزواج مش رومانسيين لأن ضغوط العمل ومشاكل الحياة وعملهم علي توفير متطلباتنا وتحقيق رغباتنا ده بالنسبة ليهم الحب أنه يعمل مش يتكلم الرومانسيه مش ورد احمر وشموع في وقت هو بيرجع من الشغل مش شايف قدامه الرومانسيه طبطبة علي كتفه هيردهالك هديه جميله بيت مش ناقصه حاجه الكلام مفيش أسهل منه وبرضوا ينيمك جعانة ومحتاجة مفيش اسهل منه لكن لما تتعبي بعد الشر هتلاقي كتف شديد تتسندي عليه راجل بيكد علشان مراته تعيش أميرة هي دي الرومانسيه بننبهر بالمسلسلات التركي ونقول ياريت رجالنا يبقوا كدة وهم في الواقع أفضل استوعبي جوزك يا حبيبتي خلي هو يشتغل علشانك وأنتي الحنان والحب علشانه هتستقيم الحياة شوفي كدة مميزاته وقارنيها بناس تانية ممكن يكونوا من بياعين الكلام مع زوجاتهم هتلاقيكي محسودة لأن الرجولة والحب أفعال وأكيد زوجك بيعمل علشانك كتير ربنا يسعدك ويوفقك ويسترها معاكم يارب